Наадмын өдрүүдэд нийслэлийн хэмжээнд 683 нийтийн тээвэр иргэдэд үйлчилж буй. Үүнээс Соёмботой хөшөөнөөс нийтийн тээврийн 10 автобус 18 минут тутамд 22:00 цаг хүртэл Хүй долоо худаг чиглэлд явж байна. Үйлчилгээний хөлс 1500 төгрөг бөгөөд төлбөрийг зөвхөн картаар төлнө.
Мөн энэ сарын 11-13-ны өдрүүдэд Хүй долоон худгийн шөнийн арга хэмжээнд зориулж 18:00-03:00 цагийн хооронд зургаан автобус “Таван шар-Хүй долоон худаг” чиглэлд үйлчилнэ. Түүнчлэн Хүй долоон худгийн Галт тэрэгний зогсоол буюу “Давааны зөрлөг”-өөс Морь барианы газар руу наадамчдад үнэ төлбөргүй үйлчилнэ.
