Монгол Улсын иргэд сүүлийн үед визгүй нэвтэрдэг улс орнууд руу зорчиж хулгайх хийх тохиолдол огцом өсчээ. Одоогоос нэг сар орчмын өмнө Вьетнам Улсын Хо Ши Мин хотод хулгай хийж байсан монголын таван иргэн тус улсын цагдаад баривчлагдсан гэх мэдээлэл цацагдаж байсан. Тэгвэл уг тоо өсөж өнөөдрийн байдлаар 20 хүрээд байгаа гэдгийг албаны эх сурвалж өглөө. Ирэх долоо хоногт Вьетнам Улсад хулгай хийж байгаад баригдсан 12 иргэний мэдээллийг Монголын талд албан ёсоор ирүүлэхээр болсон байна.
