Ираны алдарт бөх, ДАШТ-ий алт, хүрэл, Азийн наадмын мөнгө, Азийн АШТ-ий нэг мөнгө, хоёр хүрэл медальт Саеид Моллаей Монгол Улсын иргэншилтэй болсон. Гэвч түүнийг Монголын нэрийн өмнөөс барилдуулахгүй гэж Ираны зүгээс эсэргүүцсэн.
Харин Олон улсын олимпийн хорооны Гүйцэтгэх зөвлөл хуралдаж Саид Моллайг "Токио 2020" Олимпийн наадамд оролцохоор сонгогдвол Монгол Улсыг төлөөлж оролцохыг зөвшөөрчээ. Тухайн жинд хэнийг явуулахыг Монголын жүдо бѳхийн холбоо дотооддоо шийдэх юм.
