Бүргэдчин охин Н.Айшолпан Казахстаны залуучуудын их хурлын нээлтэд оролцож, тус улсын Ерөнхийлөгч Нурсултан Назарбаевыг Монгол Улсад айлчлахыг урьсан байна. Энэ үеэр тэрээр “Эрхэмсэг Нурсултан Назарбаев тантай Монгол Улсад уулзахыг хүсч байна. Би Казахстанд амьдардаггүй таван сая казах хүний төлөөлөл. Бас Монгол Улсад төрж өссөн. Гэхдээ би Казахстаныг эх орноо гэж боддог. Миний казах соёлыг сурталчилсан баримтат киног 33 улсад гаргасан. Астана тэргүүтэй Казахстаны хотын дунд сургуулийн хөтөлбөрт бүргэдээр авлах хичээл оруулаасай гэж хүсдэг. Энэ жилийг Казахстанд залуучуудын жил болгосон нь сайшаалтай. Монгол Улсад амьдардаг казах иргэд таныг нутагтаа айлчлахыг урьж байна” гэжээ. Н.Айшолпаны тухай “The eagle huntress” баримтат кино 2017 онд Азийн наадмаас шагнал хүртсэн билээ. Тэрээр Казахстаны “Нур Орд” олон улсын дунд сургуульд суралцдаг тухай мэдээлллийг өнөөдрийн Үнэн сонинд нийтлэжээ.Э.Сүрэн
