Н.Золжаргалыг Австри улс руу мөнгө шилжүүлсэн хэргээр АТГ шалгаж байна

Монголбанкны ерөнхийлөгч асан Н.Золжаргалыг Эрүүгийн цагдаагийн газар, АТГ-ын хамтарсан ажлын хэсгийнхэн 2017 оны арваннэгдүгээр сарын 29-нд гэрээс нь баривчилж, эрүүгийн хэрэг үүсгэн шалгаж эхэлсэн. Тэгвэл эл хэргийн талаар өнөөдөр Авлигатай тэмцэх газраас мэдээлэл хийлээ. 
АТГ нь төлөвлөгөөг хяналт шалгалтын хүрээнд 67 албан тушаалтны Хөрөнгө орлогын мэдүүлгийг нарийвчлан шалгаж байна. Үүнээс зөрчил гаргасан хоёр албан тушаалтны цалинг бууруулах шийтгэл ногдуулжээ. Тухайлбал, Зээлийн батлан даалтын сангийн захирлын цалинг хоёр сарын хугацаатай бууруулах, нийслэлийн 32 дугаар сургуулийн захирлын цалинг 1 сарын хугацаатай бууруулах зэрэг арга хэмжээ авчээ.
Мөн Н.Золжаргалыг  банкнаас бага хүүтэй зээл олгосон, Австри улс руу их хэмжээний мөнгө шилжүүлж, орон сууц худалдан авсан зэрэг асуудлаар шалгаж байгаа гэв. Түүний хэрэгтэй холбогдуулан Австри улс руу хамтран ажиллах хүсэлтээ илгээсэн.  Үүний хариуд нотлох баримтууд ирүүлсэн байгаа. Энэ хэргийг хоёрдугаар улиралд багтааж шийднэ гэж мэдэгдлээ. Хэвлэлийн бага хуралд АТГ-ын Урьдчилан сэргийлэх, соён гэгээрүүлэх хэлтсийн дарга, эрхэлсэн комиссар Т.Баярхүү, Мөрдөн шалгах хэлтсийн ахлах мөрдөгч, ахлах комиссар Ч.Жаргалбаатар нарын холбогдох албан тушаалтнууд оролцож байна.
 
скачать dle 12.0

Next Post
Add comment

Add comment

reload, if the code cannot be seen
  • Шинэ мэдээ
  • Их уншсан