Цар тахлын улмаас бүх шатны боловсролын байгууллагууд хоёр жилийн хугацаанд танхимаар оролгүй цахим хэлбэрт шилжээд байсан. Тэгвэл цар тахлын үед бүх шатны сургууль, цэцэрлэгийн сургалтын ажиллагааг танхимын болон танхимын бус хосолсон хэлбэрээр үе шаттайгаар зохион байгуулж буй 2021-2022 оны хичээлийн шинэ жил өнөөдрөөс эхэлж байна.Иймд Нийслэлийн ерөнхий боловсролын 38 дугаар сургууль болон 164 дүгээр цэцэрлэгт очиж цар тахлын энэ үед манай боловсролын байгууллагууд УОК, НОК, БШУЯ, Нийслэлийн Боловсолын газар болон холбогдох мэргэжлийн байгууллагаас өгсөн заавар зөвлөмжийг хэрхэн хэрэгжүүлж ажиллаж байгаатай газар дээр нь очиж танилцлаа. Манай сургууль, цэцэрлэгүүдийн захиргаа коронавируст халдварын эрсдэлээс сэргийлэх, халдвар бүртгэгдсэн үед орчны эрүүл ахуй, аюулгүй байдлыг сайн хангаж, холбогдох дүрэм журмыг сайтар мөрдөж, хичээж ажиллаж байна.
