Цэргийн хөтөлбөр болон бэлтгэл ажлаа Хятад улс илүү ил тод байлгана гэж Японы Засгийн газар найдаж байна хэмээн тус улсын Сайд нарын танхимын Ерөнхий нарийн бичгийн дарга Ёсихидэ Суга Токио хотод болсон хэвлэлийн бага хурлын үеэр мэдэгджээ.
БНХАУ батлан хамгаалахын зардлаа энэ онд 7.5 хувиар нэмэгдүүлэх шийдвэр гаргасантай холбогдуулан тэрбээр ийнхүү мэдэгдсэн байна.
“Бид нөхцөл байдлыг нухацтай ажиглаж байгаа. Манай улс аюулгүй байдлын асуудлаар яриа хэлэлцээ хийх боломжийг ашиглан Хятадын батлан хамгаалах бодлогын ил тод байдлыг нэмэгдүүлэхийн төлөө ажиллах болно. Хятадын батлан хамгаалахын төсөв урт хугацааны туршид хурдацтай өссөөр байна. Тус улсын батлан хамгаалах бодлого төдийгүй цэргийн хүчин чадлыг илүү ил тод байгаасай гэж хүсэж байна” хэмээн тэрбээр хэлсэн байна.
